MANTILE lacerandi ritus

MANTILE lacerandi ritus

in mensa Militum, iis qui Milites non essent, occurrit apud Hedam in Friderico Episc. Ultrai. et Ioannem a Leydis in Chron. l. 31. c. 50. ubi Wilhelmo Comiti Ostrevandiae, in mensa Regis Francorum id contigisse legitur: Nempe is mos invaluerat, teste Salanovâ, apud Hieron Blancam, ut nemo nisi Miles ad Mensam militis sederet: Si qui contrâ agerent, Fecialium partes erant, illorum Mantile lacerare, vide supra ubi de Armis plenis, et infra, voce Mensale.